Misirdə fironun xəbərçisi olan Pah Seirə aid 3100 illik məzar tapılıb.
Məzar Misirin Giza şəhərində yerləşən Saqqara qazıntı sahəsində aparılan qazıntı zamanı aşkarlanıb. Misirin Tarixi Əsərlər naziri Məhəmməd İbrahim təşkil edilən mətbuat konfransında bunları açıqlayıb: “Giza piramidalarının 25 km cənubundakı Saqqara qazıntı sahəsində tapılan məzar b.e.ə 1077-1292-ci illərdə hakimiyyətdə olan 20-ci Firon xanədanlığı dövründə fironun ən yaxın adamlarından biri olan Pah Seirə aiddir”.