Unutmayın Ki...

0
1748
Unutmayın Ki...

Hər kəs səhv edə bilər.

Hamımız istəsək də heç birimiz tamamilə səhvsiz deyilik. Xüsusilə mükəmməliyi sevən insanlar işlərinin qarışmağını istəməzlər. Lakin səhvlər qaçılmazdır. Əhəmiyyətli olan səhvləri qəbul edə bilmək, səhvlərlə də olsa, irəliləməkdir. Bundan əlavə başqalarının səhvlərindən özünüz üçün dərs çıxarmağa çalışın. Etdiyiniz işdə bir zamanlar siz də təcrübəsiz idiniz və bunu unutmayın. Başqalarına da təcrübə qazanması üçün zaman verin. Daim səbirli və gülərüzlü olun.

Təşəkkür etməyi unutmayın.

Biri sizə etdiyiniz işlə əlaqədar nə qədər məmnun olduğunu söylədiyində nə qədər xoşbəxt olduğunuzu düşünün. Əla bir hissdir, doğrudur? Eyni şeyi siz dediyinizdə də başqaları da eyni şeyləri hiss edirlər. Təşəkkür etmək və bir şeydən minnətdar olduğunu göstərmək əhəmiyyətlidir. Kiçik görünsələr də, insanı xoşbəxt edən və asan unudulmayan şeylərdir.

Heç kim tək başına əla deyil.

Vəziyyətə görə hər kəsin dəstəyə ehtiyacı ola bilər, bunda utanılacaq heç bir şey yoxdur. Kədər, inciklik, xəstəlik, bunlar hər kəsin başına gələn şeylərdir. Bu kimi vəziyyətlərdə kömək istəmək əhəmiyyətlidir. Yaxın yoldaşlarınız və ya ailə üzvlərinin, bunlar hər vəziyyətdə güvənə biləcəyiniz insanlardır. Ehtiyacınız olduğunda kömək istəmənin heç bir pis yanı yoxdur.

Ehtiyacı olan birinə siz də əsla arxanızı çevirməyin.

Sizə qarşı da insanlar belə edərlər. Başqalarından əvvəl özünüzə diqqət göstərməlisiniz. Çox insan özünü heç düşünməyərək başqaları ilə maraqlanmağa başlayırlar. Bu zaman xəstə, yorğun, tükənmiş halda qalırlar. Sevdiklərinizin yanında olmaqla bərabər özünüzə də diqqət etməyi unutmayın. İstirahətə vaxt ayırın. Sevdiklərinizə kömək edərkən istifadə etdiyiniz enerji və müqaviməti bədəninizin çıxarmasına vaxt ayırın.

Yeni bir şey öyrənmək üçün heç bir zaman gec deyil.

Karyeranıza yeni bir yön çəkmək üçün, yeni bir dil öyrənmək üçün ya da şəkil çəkməyə başlamaq üçün artıq çox gecdir deyə düşünə bilərsiniz. Lakin bir şeyi etmək üçün gec zaman varmı? Bu sualı özünüzə heç verdinizmi? Bu yanılmanın səbəbi etdiyiniz işdə erkən yaşda ustalaşmış olmağınızdır. Böyük müvəffəqiyyətlərdən çox işinizdə aldığınız müvəffəqiyyətin əhəmiyyətli olduğunu unutmayın. Xoşunuza gələn işlə məşğul ola bilərsiniz, neçə yaşında olsanız belə və bu sizi inkişaf etdirməklə bərabər zehininizi aktiv və sağlam edəcəkdir.

Sağlamlıq heç nə ilə ölçülmür. 

Sağlam qidalanmaq, nizamlı məşq etmək, sağlam bir həyat tərzi sürmək vacibdir. Lakin yer üzündəki hər bədən fərqli şəkildə çalışır. Bu səbəblə sağlamlığınızı universal ölçülərlə ölçə bilməzsiniz. Sizin sağlamlığınız sizə məxsusdur. Biri çox zəif və qeyri-sağlam ola bilərkən digəri eyni çəkidə çox da sağlam ola bilər ya da tam tərsi. Hansı halda özünüzü daha çox sağlam hiss edirsinizsə, o halınızı qorumağa çalışın. 

Heç kim heç kimdən daha az və ya daha çox əhəmiyyətli deyil.
 

Hamımızın özünü daha əhəmiyyətli və qiymətli hiss etdirməyə çalışan axmaq yoldaşları olmuşdur. Doğru olan bir şey var ki, dünyada heç kim digərindən daha üstün ya da daha aşağı səviyyədə deyil. Hamımız bir bağçanın fərqli meyvələriyik. Zənginlik, şan-şöhrət, bunlar müvəqqəti şeylərdir. Nə olursa olsun, hər kəsə bərabər dərəcədə hörmət və ədalət çərçivəsində rəftar edilməlidir. Bir-birimizi ətrafımızdan üstün ya da aşağı gördüyümüz nöqtələr yenə bizim yaratdığımız dəyərlərdir və hamısı keçicidir.

Böyük və kiçik yaşlı insanları dinləməyə dəyər.

Çox yaşlı və ya çox gənc insanların fikirlərini, təəssüf ki, çox vaxt dinləmirik. Onların fikir sahibi olmaq üçün ya çox erkən, ya da çox gec qaldıqlarını düşünürük. Əslində iş heç də elə deyil. Uşaq dünyanın pisliyi ilə hələ kirlənməmiş saf və təmiz fikirlərə malikdir. Yaşlılar isə bir ömrün verdiyi təcrübə ilə danışarlar. Bütün məsləhətlərə qulaq asmaq ya da hər dediyini təsdiq etmək məcburiyyətində deyilsiniz, lakin çalışın, dinləməyi seçin. 

Heç kimi dəyişməyin. 

Doğru hiss yaşamaq, həqiqətən, əhəmiyyətlidir. Yaxşı biri sizin həyat tərzinizə müdaxilə edərək öz uyğun gördüyü həyatı diktə etməyə zorlasa və sizi dəyişdirməyə çalışsa, özünüzü necə hiss edərdiniz? Böyük ehtimalla əvvəlcə xoşbəxt olsanız belə, artıq özünüzü yaralanmış, uğursuz və kiçik hiss edərsiniz. Heç birimiz kimsənin həyatına müdaxilə etmək, kimsəni dəyişdirmə haqqına sahib deyilik. İnsanları olduğu kimi qəbul etmək vacibdir. Onları öz iradlarımızla "daha yaxşı biri" halına gətirməyə çalışmaq doğru deyil. Xüsusilə partnyorunuzu axtararkən bunu nəzərdə saxlamalısınız. "Bu xüsusiyyətlərini dəyişdirsə, mükəmməl olar" dediyiniz adam ilə əslində zənn etdiyiniz kimi mükəmməl ola bilməzsiniz. Özünüzü daha çox bir-birinizi dəyişdirməyə çalışarkən normalda olduğunuzdan daha pis hiss edərsiniz. Dəyişdirmək istədiyiniz adam uşağınızdırsa, onun da özünəxas bir şəxsiyyəti və istəkləri olduğunu unutmayın.

"Müvəffəqiyyət" və pul hər zaman xoşbəxtlik gətirməyə bilər.

Müvəffəqiyyət, həqiqətən, nə deməkdir? Başqalarının sizdən gözlədiyi bir şeyi əldə etməkmi? Pula gəlincə, pulla istədiyiniz əşyaları ala bilərsiniz, şampanınızın qapağını açdıra bilərsiniz. Amma pul ilə heç bir zaman romantik stabilliyə, ruhani doyğunluğu və ya sağlam yoldaşlıqları əldə edə bilməzsiniz. Həyatınızdakı ən böyük xoşbəxtlikləri düşünün, onlara pul iləmi sahib oldunuz? Sizi həqiqətən xoşbəxt edən nədirsə, onun ardından gedin. Başqaları nə qədər pul qazanır? Bu heç də əhəmiyyətli deyil.
 
Korrektə etdi: Hürü Mustafayeva

ŞƏRH YAZIN