Bəzən diqqət yayınması bizim uğura gedən yolda ən böyük problemə çevrilir. Diqqətini toplaya bilən insanlar isə hər zaman seçilir. Diqqətini cəmləyə bilən insanlar hisslərinin hərəkətlərini müəyyən etməsinə icazə verməzlər və hər zaman məqsədlərinə çatmaq üçün əllərindən gələn hər şeyi edərlər, bu “hər şey” daxilindəkilər hər zaman xoş olmasalar belə. Nailiyyət əldə etmək üçün çox çalışmağa istəkli olmalısınız, yetərincə səbrli və ən vacibi məqsədlərinizdən vazkeçməməlisiniz – nə qədər bezmiş olsanız da. Motivasiyanızı qorumalı və çətinlikləri aşmağa çalışmalısınız, çünki bu ən bacarıqlı olanları geri qalanlardan ayıran ən vacib ünsürdür. Diqqətini cəmləyən insanlar bu ana fikir verərlər və bu ankı vəzifələrinə diqqət yetirərlər. Çətinliklərə daha asan qalib gələrlər və sadə dillə desək, daha düşüncəlidirlər. İndi isə bacarıqlı olmaq üçün diqqətli və diqqətini cəmləyən insanların heç vaxt etmədikləri vacib nüanslarla tanış olaq.
Bir çox işi eyni vaxtda etməzlər.
Məncə, bu, diqqətini cəmləyən insanların etmədikləri arasında ən vacib olanlardan biridir. Əvvəldə dediyimiz kimi, bütün diqqətlərini həmin anda etdikləri işə yönəldərək yaradıcılıqlarını artırırlar və məqsədlərinə daha tez çatırlar. Bir çox işi eyni vaxta etməyə çalışarkən xəta etmə ehtimalınızı artırırsınız. Nə qədər çalışırsınız çalışın, iki işi eyni vaxta edərək hər ikisinin öhdəsindən gələ bilməzsiniz – çünki insan beyni uzun müddət iki işə diqqət ayırıb hər ikisini bacarıqla yerinə yetirə bilməz.
Qeybət etməzlər.
Diqqətli insanlar hər zaman öz işlərilə məşğuldurlar. Diqqətlərini o an etdikləri hər nədirsə, ona cəmləyərlər və dedi-qodu etməzlər. Zamanlarını sərf edəcəkləri daha mühüm işlər vardır, başqalarının həyatlarına qarışaraq onların dedi-qodusunu etməklə məşğul olmazlar. Hər kəsin etmək istədiyini seçmək haqqı vardır və hər kəs etdiyinə özü cavabdehdir. Həm də dedi-qodu etmək sadəcə güvənsiz və qısqanc görünmənizə səbəb olur. Buna görə də bu hərəkətlərinizlə mübarizə aparın!
İşlərini təxirə salmazlar.
İşlərini təxirə salmaq bir çoxları üçün böyük bir problemdir. Bir işi edə biləcəyinizə əmin olmalısınız və ya etməniz lazım olan işdən xoşlanmasanız da onu təxirə salmamağa çalışın. Çünki bu sadəcə daha çox stresli olmağınıza və hələ də ediləcək çox işin və çox zaman tələb etdiyini düşünərək əhvalınızın pisləşməsinə səbəb olacaqdır.
Başqalarının təsdiqinə ehtiyacları olmaz.
Diqqətli insanların başqalarının təsdiqinə ehtiyacları olmaz və edəcəkləri iş üçün onlardan təsdiq gözləməzlər. Nə etmək istədiklərinə özləri qərar verir və bütün işin cavabdehliklərini öz üzərlərinə götürərlər. Həm də etdiklərinin həyatda onlara uğur gətirəcəyinə inanar və sadəcə öz istəklərini tamamlamaq üçün yaşayarlar. Özlərini xoşbəxt edən şeyləri edərlər, başqalarının dediklərini düşünməzlər.
Heç bir şeyin diqqətlərini dağıtmasına icazə verməzlər.
Diqqət cəmləmə bacarığı yüksək olan insanlar diqqətlərini dağıdacaq heç bir şeyi ətraflarında saxlamazlar. Heç bir şeyin onların məqsədlərinin qarşısını almağa şərait yaratmazlar. Diqqət dağıdıcı bir çox faktor olduğunu və bunların iş keyfiyyətini təsiri altına alıb yaradıcılıqlarını aşağı salacağını bilirlər. Heç bir şeyin diqqətinizi dağıtmağına və yaradıcı zamanınızdan oğurlamasına izn verməyin. Nə olursa olsun, planlarınıza sadiq qalın!
Bəhanə gətirməzlər.
Diqqətli insanlar hərəkətləri üçün yersiz bəhanələr gətirməzlər. Bir səhv ediblərsə cavabdeh olarlar və bu vəziyyətdən necə çıxacaqlarını düşünərlər. Məğlubiyyətdən qorxmazlar və bir şeyi etmək üçün uyğun zamanı və şəraiti gözləməzlər. Əgər o iş onlar üçün vacibdirsə, sadəcə edərlər, o an hazır olmasalar da.
Keçmişlə yaşamazlar.
Onların iziylə getməyə çalışın və keçmişdə qalmayın! Olan artıq olubdur, nə qədər çalışsanız da, bunu dəyişə bilməzsiniz. Hadisə və insanlar necə olursa olsunlar, qəbul etməli və uzlaşmağı bacarmalısınız. Bacarıqlı olma istəyiniz bacarıqsız olma qorxunuzdan üstün olmalıdır. Ona görə də xətalarınızdan dərs alın və dayanmadan irəli addımlayın!
Diqqətini cəmləyən insanlar düşünmədən hərəkət etməzlər, risk etməkdən çəkinməzlər və nizamsızlığa dözümləri yoxdur. Özlərini daim başqalarıyla qarşılaşdırmazlar və real olmayan şeyləri arzu etməzlər. Bəs siz diqqətli insanların əsla etməyəcəyi hansı davranışları bilirsiniz?
Korrektə etdi: Hürü Mustafayeva