Şəxsi Biznes Qurmaq İstəyirsiniz?

Əlbəttə ki, hər bir kəs öz şəxsi biznesini qurmaq istər. Amma bunu arzulamaq yetməz. Reallaşdırmaq lazımdır. Bəs necə? 

 

Hər kəs özünə bu sualı verir. Mən bunu edə bilərəmmi? - Əlbəttə edə bilərsiniz! Təcrübədən keçmiş və doğru yollardan istifadə etməklə,siz də öz biznesinizi qura bilərsiniz. Hələ də gec deyil, elə indidən başlayın. Aşağıda göstərilən yollar sizə öz biznesinizi qurmaqda əminliklə deyə bilərik ki, köməklik edəcək:

— İlk növbədə ideyanız olsun. Bu ideya—hazırlamaq istədiyiniz hər hansı bir məhsul və ya insanların ehtiyacı olduğunu düşündüyünüz xidmət ola bilər. Yaxud, bu elə bir şey ola bilər ki, insanlar hələ də ona ehtiyacları olduğundan xəbərsizdirlər, çünki belə bir şey hələ kəşf edilməyib.

— Məqsədlərinizi müəyyənləşdirin. Məsələn, özünüzə sual verin- Maliyyə cəhətdən müstəqil olmaq və böyük şirkət qurmaq, məhsullarınızı ən yüksək qiymət təklif edənə satmaq istərdiniz, yoxsa kiçik, hər ay sabit maaş ala biləcəyiniz kiçik biznesmi qurmaq istərdiniz?

— Biznes planı qurun. Biznes planı sizə kiçik və ya böyük biznesə başlamaqda qərar verməyə kömək edəcək. Biznes planı öz növbəsində aşağıdakı hissələrdən ibarətdir:

— Öz müəssisənizə və ya məhsulunuza ad qoyun. Hətta, bu adı plan qurmazdan əvvəl, beyninizdə ideyalar varkən belə nəzərdə saxlamağınız, həmin ada uyğun biznesinizi qurmağa kömək edəcək.

— Komanda şəklində işləyin. Biznes qurarkən tək işləmək əvəzinə bir və ya bir neçə güvəndiyiniz dostunuzla birgə işləyə bilərsiniz. Necə deyərlər, güc birlikdədir. Həm də çoxlu insanlarla işləmək çox iş və daha çox ideya deməkdir.

— Düzgün seçimlər edin. Söhbət ilk növbədə işləmək üçün seçəcəyiniz insanlardan gedir. Biri sizin ən yaxın dostunuzdursa və onunla işləməyi seçmisinizsə, bu o demək deyil ki, o, sizin ən yaxşı iş yoldaşınız da olacaq. Necə deyərlər, iş başqa, dostluq başqa.

— Realist olun. Məsələn, öz layihənizi necə maliyyələşdirəcəyinizi düşünün. Biznesin iflas etmə səbəblərindən biri  də sərmayə çatışmazlığıdır. Məsələn, biznes qurmaq üçün $50.000-ın kifayət edəcəyini düşünürsüz. Hər şeyin haqq-hesabını aparırsız, lazım olan iş stolları, printer kimi digər bütün materialları aldıqdan sonra növbəti ay gəlir;işçilər maaş gözləyir, vergilər verilməlidir, ancaq büdcə boşdur. Bu cür hallarla qarşılaşmamaq üçün hesabı əvvəldən düzgün qurmaq lazımdır. Növbəti ayı da nəzərə alıb, nəzərdə tutulan miqdardan bir qədər çox götürmək və qalanını ehtiyat kimi saxlamaq lazımdır.

— Rəqiblərinizi gözdən qoymayın. Öz məhsul və xidmətlərinizi rəqiblərinizinki ilə müqayisə edin. Unutmayın ki, yalnız sağlam rəqabət olan yerdə inkişaf var. Məsələn, onların sizinlə eyni olan məhsullarının satış qiymətini öyrənin. Bununla siz daha çox müştəri cəlb etmək üçün ağıllı şəkildə qiymətləri tənzimləyə bilərsiniz.

— Qənaətcil olun. Ofisdə işığın, dəftərxana ləvazimatlarının və telefon danışıqlarının istifadəsinə müəyyən məhdudiyyətlər qoymaq olar.

— İnternet saytınızı yaradın. Əgər onlayn satışla məşğul olacaqsınızsa, peşəkar dizaynerin köməyilə diqqətçəkən internet səhifənizi yarada bilərsiniz.

— Təhlükəsiz və münasib yer seçin. İşləyəcəyiniz yeri kirayələyə və istədiyiniz ölçüdə seçə bilərsiniz. Hətta, kirayələmək üçün Google-da “işgüzar görüşlər üçün kirayəlik məkanlar” yazmaqla axtarış edə bilərsiniz.

— Məhsulunuzun və ya xidmətlərinizin əslinə uyğun şəkildə elanını verin və ya internetdə reklam edin. Dəyişikliklərə adaptasiya olmağı bacarın.

 

Hal-hazırda internetin daha çox istifadə edildiyi bir dövrdə onlayn şəkildə satış etmək həm sərfəli, həm də daha asandır. Onlayn satış bu baxımdan yeni işə başlayanlar üçün daha sərfəlidir.