Axın təcrübəsi hər şeyin siz səy göstərmədən olması və zamanın genişlənməsi deməkdir. "Axın" (flow) məşhur idmançıların "doğru sahədə olmaq" dediyi şeydir. Topun böyük göründüyü, onlara gələrkən yavaşladığı və bütün gün yorulmadan qaça biləcəkmiş kimi hiss etdikləri zamandır. Arnold Palmerin möhtəşəm bir performansın mərkəzindəki bir musiqiçinin hiss etdikləri ilə müqayisə etdiyi şeydir. Caz musiqiçilərinin "havada olmaq" (on the air) dedikləri şeydir. Bir birindən çox fərqli bir çox sahədəki bu qədər çox insanın bu təcrübəni təsvir etməsi onun varlığını təsdiqləyir. Böyük caz pianoçusu Keith Jarret bu zehni vəziyyəti o qədər yaxşı bilir ki, onu yoxlamadan konsertə çıxmaz.
NLP bacarıqları ilə, axın təcrübəsini araşdırdıq. Axının insanların bütün diqqətlərini əllərindəki işə verdiklərində ortaya çıxdığını kəşf etdik. Daha sadə şüur hallarında insanlar ya özlərini geriyə çəkərlər ya da ətraflarındakı şeylər tərəfindən diqqətləri dağılar. Axında bütün diqqət edilən işə verilir; "Mənlik" işin içində itib batar. Məsələn, qolf çubuğu və qolfçu tək bir bütün olur.
Axının əhval-ruhiyyənin narahatlıqlardan təmizlənmiş, hər şeyin edilə bildiyi bir əhval olduğunu aşkar etdik. İnsanlar Axın əhvalında ikən "böyük rəsmi" görmüşlər və ondan azad bir perspektiv inkişaf etdirmişlər. Zehinləri azaddır və yaradıcılıqlarının və qabiliyyətlərinin getməsi lazım olan yerə getməsinə icazə verə bilərlər. Və bu rəftar sayəsində də böyük uğurlara çatarlar. Sıradakı NLP tapşırığı sizə eyni dünyagörüşünü qazandırmaq üçün nəzərdə tutulmuşdur.
Limitsiz müvəffəqiyyət üçün baxış bucağınızı azad buraxın
1. Özünüz haqqında fərqindəliyinizin fərqinə varın: Təsadüfi bir yer və zaman tapın. Tamamilə bu anda və burada olaraq başlayın. Bədəninizi, dərinizin hissini və kürsüyə, masaya və hətta klaviaturaya toxunan bölgələrinizi fərq edin. İndi özünüz haqqındakı fərqindəliyinizin normal olaraq, bədəninizin harasında yer aldığını fərq edin. Məsələn, özünüzü daha çox zehninizdə, sinənizdə yoxsa qarnınızda hiss edirsiniz? Fərqindəliyinizin ətrafda gəzməsinə icazə verərək təcrübələr edin. Dəyişiklikləri fərq edin.
2. Bədəninizin xaricinə süzülün: Fərqindəliyinizin yüksəlməyə və bədəninizin xaricinə çıxmağa başladığını hiss edin. Yaxında özünüzü asanlıqla bədəninizin təpəsinə doğru süzülərkən hiss edə bilərsiniz. Özünüzü və otağı aşağıda böyük bir detal zənginliyi içində görə bildiyinizi xəyal edin.
3. Yüksəlin: İndi özünüzün tavana qədər yuxarıya süzülməsinə icazə verin. Sonra bir sonrakı qata ya da binanın damına, içində olduğunuz binanın və onu əhatə edən bölgənin quşbaxışı bir görünüşünü görənə qədər yüksəlin. Sonra dünya ilə, əlaqəniz kəsilərkən və çaylarla digər coğrafi şəkilləri və şəhərləri görərkən, sürətinizin daha da artmasına icazə verin. Özünüzün buludların arasından, ölkələrin şəkillərini görməyincəyə qədər daha da yüksəklərə yüksəlməyə davam etdiyini hiss edin. Yaxında həm okeanları, həm də kosmosun qaranlığında süzülən əzəmətli dünyanı görə biləcəksiniz. Günəşi və onu əhatə edən ləl-cəvahirat parlaqlığındakı ulduzları görün. Təpəsində buludlar gəzişərkən dünyanın özünü görün. Bu sizin evinizdir. Bu görünüşü zehninizə yerləşdirin. Sərhədləri olmayan o dünyanı görün. Onun əslində tək bir dünya olduğunu görün.
4. Bu baxış bucağını istifadə edin: Bu baxış bucağından önünüzdəki böyük mavi planetin səthindəki o qədər kiçik qalan bədəninizi belə görə bilməzsiniz. İndi o adamın sahib olduğu bir problemi düşünün və onu bu baxış bucağından qiymətləndirin. Bu mövqe o insana həll axtarışında hansı qavrayışları və ya ehtimalları təqdim edir? Bu baxış bucağının faydasını istədiyiniz qədər kəşf edin və öyrəndiklərinizi yanınıza almağı unutmayın ki, daha sonra o planetin səthindəki o insana təqdim edə bilərsiniz.
5. Alçalın: İndi alçalmağa başlayın, dünyaya getdikcə daha yaxınlaşın. Əvvəl qitələrin şəklini görə biləcəksiniz, sonra yaşadığınız ölkəni və sonunda da öz bölgənizi və məhəllənizi. Ən son olaraq, binanıza yaxınlaşacaqsınız. Damdan aşağı enin və özünüzün dərhal təpəsində bir az dincəlin. İndi öyrəndiklərinizin bir enerjiyə çevrildiyini xəyal edin. Əgər bu yeni baxış bucağınızın bir rəngi olsaydı, nə rəng bir enerji olardı? Bədəninizə təkrar süzülərkən, buraxın o enerji bütün bədəninizə yayılsın...