Həyatı daha yaxşı dərk etməyimiz üçün həyatın həqiqətləri ilə tanış olmağımız önəmlidir. Elə isə, gəlin həyatın reallıqlarını, həqiqətlərini öyrənək.
Həyatda yeganə reallıq sevgidir
Sağlamlıq-həyatın başlıca nemətidir
Ən stimul verən hədiyyə-ümiddir
Həyatda təsadüflər olmur
Ən əzəmətli güc İnamdır
Ən gözəl müdafiə-təbəssümdür
Ən xoş hiss-daxili aləmdir
Ən böyük xoşbəxtlik başqalarına xeyir verməkdir
Ən qəşəng hədiyyə-bağışlamaqdır
Ən pis məğlubiyyət məyus olmaqdır
Ən məkrli hiss nifrətdir
Ən pis çatışmazlıq pis əhvaldır
Ən yaxşı müəllim uşaqlardır
Ən böyük səhv ruhdan düşməkdir
Ən böyük maneə qorxudur
Ən gözəl gün bu gündür
Ən təhlükəli insan yalan danışandır
Bir gün nəvə babasından soruşur:
-Qəlb nədir?
Baba çoxdan eşitdiyi bir hekayəni ona danışır:
-Deyirlər insanın daxilində onu həyatı boyu yönləndirən və dəstəkləyən 3 məni olur.
Birinci mən çox soyuqqanlıdır. Onu sənin ətrafındakı bütün insanlar görür.
İkinci bir az istidir.Onu yalnız ən yaxınların görür. Birinci və ikinci mən hər zaman öz aralarında mübahisə edir, sənin üzərində qələbə qazanmaq istəyir. Onların fikir ayrılığı səndə şübhələr yaradır.
Yalnız üçüncü mən birinci və ikinci arasında kompromis yarada bilir. Onu heç kim görmür. Bəzən heç onun varlığından özümüzün də xəbəri olmur. Amma o həmişə bizimlədir.
Amma mən onlar haqda heç nə eşitməmişəm, - nəvə dedi.
Baba gülümsədi:
-Birinci mən ağıldır. Əgər o insan üzərində qələbə qazanırsa insan soyuq və haqq hesabını bilən olur. Planla iş görür.
İkinci mən ürəkdir.Əgər o qalib gəlirsə biz sadəlövh oluruq. O zaman bizi yaralamaq və aldatmaq asan olur.
Üçüncü mən qəlbdir, ruhdur. Yalnız o insanda harmoniya yaratmağa qadirdir.
Ona görə də insan ağlı soyuq və planlı,ürəyi isti və sevgi ilə dolu,qəlbi isə sakit və hər kəsə açıq olmalıdır.