Xoşbəxt olmaq üçün yalnız gülmək yetməz, bəzi hərəkətlər sizin xoşbəxt olmadığınızı ələ verir. Aşağıdakıları son zamanlar tez-tez yaşayırsınızsa, xoşbəxt deyilsiniz, özünüzü bu vəziyyətdən bir an əvvəl qurtarın …
Çox televiziya izləyirsinizsə …
TV serialları və yarışmalarının arasında beyniniz istirahət edib, işləməyə fasilə verir. Ancaq bu sizin gündəlik təkrarlanan işinizdirsə, əlinizdəki pultu bir müddətlik kənara buraxsanız, heç də pis olmayacaq. Təəssüf ki, aparılan araşdırmalara görə, TV izləmə müddətiniz nə qədər çoxdursa, xoşbəxtlik səviyyəniz də bir o qədər aşağıdır. Vaxtınızı yoldaşlarınızla keçirin və ya müxtəlif yardım təşkilatlarında könüllü kimi işləməyə çalışın.
Münasibətlərinizdə problemlər yaşayırsınızsa …
Artaraq davam edən can sıxıntısı, bitmək üzrə olan bir əlaqənin də işarəsidir. Bədbəxt insanlar gələcəkdə qarşılarına çıxan problemləri həll etməkdə və onlarla üzləşməkdə problem yaşayırlar. Yeni insanlarla tanış olmazlar və dost çevrələrini genişləndirməzlər. Və münasibətlərində problem yaşadıqları zaman, narazılıq yaxalarını buraxmayan bir vərdiş halına gəlir. Əslində problemli əlaqələr bədbəxtliyin səbəbi ola biləcəyi kimi nəticəsi də ola bilər.
Yuxu probleminiz varsa…
Araşdırmalar yuxusuzluq ilə xoşbəxtliyin bir-biri ilə əlaqəli olduğunu göstərir. Yuxu problemi yaşayan insanlar stress hormonu olaraq da bilinən cortisol-un təsirlərinə də açıqdır. Bu səbəbdən də idman etmək və yuxudan əvvəl rahatlamaq kifayət qədər yuxulamağınızda yardımcı ola bilər.
Stresslisinizsə…
Elmi araşdırmalar ətraf mühitin insanların xoşbəxtlik səviyyəsində böyük rol oynadığını göstərir. Etibarlı yerdə olduğunu hiss etmək və rahatlıq razılıq və məmnuniyyət hisslərinin ortaya çıxmasında əhəmiyyətlidir. Həddindən artıq stressli bir mühit narahatlıq və inamsızlığa səbəb olur. Əlbəttə, stressi həyatımızdan tamamilə çıxara bilmərik, amma müsbət düşünmək emosional stress səviyyəsinin azaldılmasında əhəmiyyətli bir faktordur. Həmçinin müxtəlif fiziki və ruhi rahatlama üsulları da bu mövzuda yardımçı olacaq.
Korrektor:Əhmədova Sevinc