İncikliklə Vidalaşın

0
2062
İncikliklə Vidalaşın

Bir çox xatirələr var ki, aradan uzun zaman keçsə də yaddaşınızdadır. Dostunuz və ya sevdiyiniz bir şəxsin xəyanəti, yaxın bildiyiniz birinin satqınlığı, rəisinizin haqsızlığı hələ də sizi incidir. Bu xatirələr insanları irəliləməyə qoymur. Qorxu olur. Bütün bunların təkrarlanmasından qorxur və nəticədə heç kimə inam qalmır. Bu, sizi incidənlərə təsir etməz, amma onlar sizin həyati qüvvənizi sərf edir və sizi rahatlıqdan məhrum edirlər. Öz şüurunuzda səliqə yaratmağa çalışın və zamanla qəlbinizdə rahatlıq hiss edəcəksiniz.

Özünüzü inciklikdən azad edin.

Mənəvi cəhətdən özünüzü hazırlaşdırın. Çünki incikliklə vidalaşma proseduru heç də xoş deyil. Təsəvvür edin ki, bu prosedur sizi ağrıdan və əzabdan tam azad edəcəkdir. Siz bu müalicəyə hazırsınızmı? Aydındır ki, inciklikdən qurtulmaq lazımdır. Ona görə də bu qərarı nə qədər tez versəniz, bir o qədər sizin üçün yaxşıdır. Dözmək lazımdır. Qocalmış incikliyiniz sizi güldürəcək. Necə ki, siz öz uşaqlıq dəcəlliyinizi yada salıb gülürsünüz.

Mən sizin üçün əlavə hazırlıq olmadan tətbiq edilə biləcək iki sadə metodika hazırlamışam. Başlayaq?

Sizi nə qədər bağışlayıblar?

Bu barədə fikirləşin. Sizə ağrı verən hər bir insanı müəllim kimi qəbul edin. Sizin üçün sizi incidən şəxs çox pis insandır. Kimin üçünsə o, yaxşı insan rolunda çıxış edir. Sizin taleyinizdə isə o müəllim oldu, hansı ki, sizə dəyişməyi öyrətdi. Əzici bir bəladan qurtulmaq üçün bağışlaya bilmədiyiniz insanların adlarını yazmağa başlayın.

Üsul 1: Təqsirkarla dialoq.

Münasib yer tapın və vaxt seçin ki, sizi 20 dəqiqə narahat etməsinlər. Bundan başqa internetdən çıxmaq və telefonu söndürmək lazımdır. Sonra sizə əlverişli vəziyyəti seçin, rahatlanın, yavaş-yavaş və sinə dolusu nəfəs alın, tam əmin-amanlıq hiss edənə kimi.

Başqa yerdə (sarayda, böyük zalda, yaxud kabinetdə) özünüzü təsəvvür edin, fikrən sizə əlverişli vəziyyəti seçin və rahatlanın.Tezliklə sizə qonaqla görüşmək lazımdır fikri ilə razılşmağa çalışın. Öz həmsöhbətinizi gözləyirsiniz. Onun haqqında düşünün bitərəf kimi onu görməyə hazır olacaqsınız, öz həmsöhbətinizi içəri dəvət edin. Uzun illərdir qəzəbləndiyiniz adam içəri daxil olacaq. Lakin o, böyük kimi qarşınıza çıxmayacaq. Siz onu tanıdığınız 3-4 yaşlı uşaq kimi qarşınızda olacaq. Sizin zəhmli baxışlarınızın qarşısında dayanaraq o, çox qorxub və demək olar ki, ağlayır. Uşaq qəbul edir ki, çox pis hərəkət edib, üzr istəyir və deyir ki, çox təəssüflənir. O, öz səhvini və sizin ağrınızı çox gözəl başa düşür və üzr istəməkdən əl çəkmir. Siz onu bağışlaya bilərsiniz, nə vaxt istəsəniz, o zaman azadlıq əldə edəcək və sizi həmişəlik tərk edəcək.

Əgər siz bağışlamağa hazır olduğunuzu hiss etmirsinizsə, yalnız ağrı və inciklik hiss edirsinizsə, onlar haqqında öz müəlliminizə danışın. Arzuladığınız bütün sözləri onun üzünə deyin. Sonra isə rahatlanın və incidiyiniz insanı bağışlamağa çalışın. Onunla sağollaşın və onu buraxın. 

Belə bir prosedur incidiyiniz adamı əhəmiyyətsiz biri edir. Siz isə heç kimə öz rahatlığınızı pozmağa imkan verməyəcək ahəngdar və alicənab bir insan olursunuz. İnciklik sizin zəifliyiniz idi. İndi siz ondan yaxa qurtara bilmisiniz. Siz başqa insanlara kin saxlamırsınız və sevinclə gülümsəyir, həyatda irəli hərəkət edirsiniz.

Üsul 2: Təqsirkara üç məktub

Üzr yolu keçmək üçün yük, xatirələrdən azad olmaq üçün sizə üç gün vaxt lazımdır. Sizi incidən insana məktub yazaraq hər şeyi söyləyin. Çoxdan demək istədiyiniz sözləri deməkdən çəkinməyin. Qoy o sizə necə çətin olduğunu başa düşsün. Boşluq hissi və sözünüzün qurtardığını hiss edəndə məktubu başa vurun. Birinci gün başqa heç nə etmək lazım deyil.

İkinci gün sizi incidən insana məktub yazmağa yenidən başlayın. Siz ikinci məktubunuzda öz nifrət və qəzəbiniz haqqında danışmalısınız. Gizlətdiyiniz hər şeyi kağıza tökün. Öz incikliyinizi təsvir etdikcə çox şeyi dünən söylədiyinizi başa düşəcəksiniz. Bu dəfə sizin məktubunuz qısa olacaq. Sizin vəziyyətə baxışlarınız bir qədər dəyişəcək. Qəzəb hissi geridə qalanda düşünün ki, sizə ağrı verən insan hansı səhvi etdiyini anlamırdı. Necə düşünürsüz həmin insan peşmandırmı? Siz öz hissləriniz və narahatçılığınız haqqında danışsaydınız, o özünü necə hiss edərdi?

Üçüncü gün isə son məktubunuzu yazın. Məktubda onun bağışlanmasını qəbul edəcək və ona onu bağışladığınızı yazacaqsınız. İndi siz aranızda olan mübahisəni unutmağa hazırsınız. İndi siz əminsiniz ki, heç kim sizinlə münasibətlərində yenidən belə bir səhvə yol verməz. İndi bilirsiniz ki, bu adam həyatınızda heç bir məna daşımır və onunla bağlı xatirələr yox olacaq. İncikliyi tamamilə unudandan sonra nəfəs almaq sizə asan olacaq. Sizə ağrı vura bilən insanlarla sağollaşın. Hər üç məktubu yandırmaq lazımdır. Külü isə məhv etmək.

İncikliyi buraxandan sonra siz qəzəbinizlə ayrılacaqsınız. Təqsirkar öz cəzasını çəkəcək. Öz gücünüzə inanın. Güclü və ürəyiaçıq insan kimi davranın. Sizin qarşınızda yeni yollar açılacaq və siz geriyə baxmadan irəli gedəcəksiniz.
 
Korrektə etdi: Hürü Mustafayeva

ŞƏRH YAZIN