Xanım Takata, Reikini 2 il ərzində müvəffəqiyyətlə tətbiq etdikdən sonra, 1938-ci ilin əvvəllərində, Dr. Hayashini Havay adalarına dəvət etdi. Dr. Hayashi onun reikinin mədəni ənənəsini və mirasını davam etdirmə səylərindən çox təsirlənmişdi. Dr. Hayashinin bu ziyarəti əsnasında, xanım Takata reiki ustadı oldu.
Dr. Hayashi, Takatanın ağrı-acılı insanlara qarşı duyduğu təbii anlayışın və hissin, öz çətin həyat təcrübələrindən qaynaqlandığının fərqində idi. Sonrakı illərdə, Dr. Hayashi çox zaman Takatanın Reiki mirasını ən yaxşı formada qoruyub daşıyacaq bir insan olduğunu hiss etdi.
1941-ci ildə, yəni, ölmədən qısa zaman əvvəl, özünü bu işə həsr etdiyi və canlı bir Reiki nümunəsi olduğu üçün, özündən sonra üçüncü böyük Reiki ustası olaraq, Takatanı seçməyə qərar verdi. Dr. Hayashinin ölümündən sonra, Takata, uzun illər ərzində reikinin tətbiqini öyrətməyi davam etdirdi. Ancaq, 70 yaşına gəldikdən sonra Reikini tətbiq etməkdə çox bacarıqlı tələbələrini Reiki ustadı olaraq yetişdirməyə başladı.
Korrektor:Əhmədova Sevinc