Hər yeni ailə quran cütlüklər nə xəyallar, nə arzullarla bu addımı atırlar. Amma bəzən düzgün qurulmayan münasibət, buraxılan səhvlər bu evliliyi boşanmaya aparır. Əslində boşanma da cəsarət, güc tələb edən prosedurdur. Ölkəmizdə də rəsmi statistikaya nəzər salsaq görərik ki, ildən ilə boşanmaların sayı artır.
Bəzi ölkələrdə boşanma proseduru çətin, bəzilərində isə çox sadədir. Azərbaycandan fərqli olaraq bəzi ölkələrdə boşanma proseduru daha mürəkkəbdir. Yəni tərəflər istədikləri zaman boşana bilməzlər. Bunun üçün müəyyən zaman gözləməyə məcburdurlar.
İtaliyada boşanmaq istəyənlər ərizə verdikdən sonra 3 il, Almaniyada 3 ilə qədər zaman keçəndən sonra boşana bilər. Fransada tərəflərdən biri boşanmaya razı deyilsə, 6 il ayrı yaşamalıdırlar, yalnız bundan sonra boşanmaları mümkündür. Argentina, Kolumbiya və İrlandiyada isə boşanmaya yalnız xüsusi hallarda icazə verilir.