Karyera qurmaq möhtəşəmdir! Amma soyuq gecələrdə karyeranı qucaqlayıb yatmaq olmur.
Haqqınızda heç nə bilmədən sizə necə heyran olurlarsa, eyni şəkildə sizdən nifrət edə bilərlər.
Hollivud elə bir yerdir ki, bir öpüş üçün sizə 1000 dollar, ruhunuzu almaq üçün 50 sent verərlər. Bunu çox yaxşı bilirəm, çünki ilk təklifdən imtina edib dəfələrlə 50 sentə razılaşmışam.
Ağıllı qız öpüşər, amma vurulmaz, qulaq asar, amma inanmaz və tərk edilməmişdən əvvəl tərk edər.
İnsanlar elə bilirlər ki, çox gözəl həyatım var. Amma mən dünyanın ən çox təhlükə altında olan adamı – Amerika prezidentini (Con Kennedi) sevən qadınam. Nələr çəkdiyimi heç kim bilə bilməz.
İtlər heç vaxt məni dişləməyib, heyf ki eyni sözü insanlar üçün deyə bilmirəm.
Həyatın əsl üzü xəyallarınızdan fərqlidir. Uzun müddətdən bəri ilk dəfə tək-tənha bədbəxt olmaq, kiminləsə bədbəxt olmaqdan daha yaxşı görünür gözümə.
Məncə, hər şeyin səbəbi var. İnsanlar dəyişir ki, sən onları tərk etməyi öyrənəsən, hər şey pisləşir ki, sən işlər yolunda olanda onları qiymətləndirəsən, yalanlara inanırsan ki, özündən başqa heç kimə inanmamağı öyrənəsən.
Mən yaxşı insanam, mələk deyiləm. Günah iş görürəm, şeytan deyiləm. Mən sadəcə sevəcəyim insanı axtaran böyük dünyadakı balaca qızam.
Qadını güldürməyi bacarsan, ona hər şeyi etdirə bilərsən.
İkiüzlü olacaqsansa, heç olmasa üzlərindən birini qəşəng saxla.
Bütün balaca qızlara gözəl olduqlarını deyin, gözəl olmasalar belə.
Kim deyir, gecələr yatmaq üçündür?
Kişilərlə bərabərlik tələb edən qadınların ambisiya çatışmazlığı var.
Biz hamımız ulduzuq, parıldamağa layiqik.
Uğur çoxlarında sənə qarşı nifrət yaradır. İstəyərdim ki, belə olmasın. Ətrafında paxıl gözlərlə sənə baxanlar olmadan uğurun dadını çıxarmaq necə gözəl olardı.
Bilmirəm dikdaban ayaqqabıları kim kəşf edib, amma biz qadınlar ömrü boyu ona borclu olacağıq!
Bütün qızlar istəyir ki, bir oğlan gəlsin və digərləri kimi olmadığına bizi inandırsın.
Hamımız seksual varlıq kimi doğulmuşuq, Allaha şükür, heyf ki çoxları bu təbii hədiyyəni korlamaqla məşğuldur.
Bədən baxılmaq üçündür, örtülmək üçün yox.
Yatanda nə geyinirəm? Əlbəttə, “Chanel No.5”.
Evlənməmişdən qabaq qadın kişini əlində saxlamaq üçün sevişməlidir, evlənəndən sonra isə sevişmək üçün əlində saxlamağı bacarmalıdır.
Korrektə etdi: Günel İbadova