Kinosevərlər yəqin ki, döyüş sənətləri ustası, aktyor, Uşu çempionu və Beynəlxalq film ulduzu Cet Lini tanımamış olmaz. Tsui Harkın rəhbərlik etdiyi "Bir dəfə Çində" filmində həqiqi xalq qəhrəmanı və ən böyük Kunq Fu ustası "Vong Fei Hanq"-ın rolunu oynamaqla məşhurlaşan aktyor bir çox filmlərdə çəkilib. Məşhur aktyorun həyatdan qazandıqlarını və öyrəndiklərini sizinlə bölüşürük:
1. Barışmaq – sənin ən əsas müdafiəndir
“Sən öz eqonu nümayiş etdikdə ətrafında düşmənlərin çoxalır. Mən xüsusi biri deyiləm, mən sadəcə olaraq döyüş sənətinə çox vaxt sərf etmişəm. İndi mən bacardıqlarımı nümayiş etdirirəm. Dünyada mənim etdiklərimi edə biləcək bir çox insan var”.
2. Harmoniya gücdən vacibdir
“Mən döyüş sənətinin insanlara ancaq ağrı bəxş etdiyini göstərdiyimi düşünəndə kədərlənirəm. Həyatda döyüşün əsas olmadığını sübut etmək üçün şansım olmadı. Həyatda ən əsas in və yan harmoniyasını (ağla qara arasında harmoniyanı) qavramaqdır. Yalnız harmoniyanı anladıqda insan böyük şəxsiyyət hesab edilə bilər”.
3. Xoşbəxtlik daim səninlədir
“Xoşbəxtliyin təqibində uzaq məsafələri qət etməyə ehtiyac yoxdur. Xoşbəxtlik burada, sakit tənha otaqdadır. Sənin bütün problemlərin sənin qəlbində yığılıblar, buna görə, sən, sadəcə olaraq, özünü öyrənməlisən. İnsan həqiqətdə kim olduğunu anlamalıdır. Əgər sən öz daxili dünyanı anlasan, həyatda daha heç nədən qorxmayacaqsan”.
4. Başqalarının sənin haqqında fikirləri sadəcə olaraq fon musiqisidir
“Başqalarının sənin haqqında fikirlərinə radioda eşitdiyin mahnılar kimi yanaş. “Sən çox yaxşısan!”- tram-pam-pam. “Sən axmaqsan!”- tram-pam-pam. Əgər səni başqalarının sənin haqqında fikirləri daha çox narahat edirsə, deməli, sənin bəzi problemlərin var”.
5. Ölüm sənə həyat bəxş edir
“Mən ölməyə hazıram. Əgər insan bu an, bu gün və yaxud sabah ölə biləcəyini anlayırsa, o, həyatının hər anının dəyərini bilməyə başlayır. Və o, həyatının hər anının qayğısına qalmağa başlayır. Belə ki, o, sabah ölsə, son işlərinə görə utanmayacaq”.
Korrektə etdi: Hürü Mustafayeva