Dünyada bir adam var ki, evdən çıxanda nəyisə unudacağından qorxmur.
Bu çinli Lyu Linçaodur. Çünki o hara gedirsə evi ilə gedir. O, 60 kq-lıq bambuk evini çiynində gəzdirir.
Evin içində lazımlı əşyaların saxlanıldığı bambuk rəflər var. Hətta gecələr evin içində yemək bişirmək üçün ocaq da qalamaq olur. Lyu Cənubi Çində ticarətlə məşğuldur. Lyu deyir ki, bu daşınan ev çox rahatdır və onun gecələmək üçün pul xərcləməyə də ehtiyacı yoxdur. Linçaonun sözlərinə görə o ilk daşınan evini beş il qabaq tikib və o vaxtdan da bu evi heç nəyə dəyişməyib.