Xoşbəxt olmağın yolu 10 qızıl qaydadan keçir.
1.Xeyirxah olun.
“Psychological Bulletin”də yayımlanan araşdırmaya görə özünüz üçün yox,başqaları üçün pul xərcləmək,özünüzü daha yaxşı hiss etməyinizə gətirib çıxarır.Ən xoşbəxt insanların, paylaşmağı sevən insanlar olduğunu sübut edən araşdırmaya görə xeyirxahlıq edərək, başqalarına pul verərək xoşbəxt ola bilərsiniz.
2.Şükr edin.
Pensilvaniya Universitetinin professoru Martin Seliqman hər gecə onları xoşbəxt edən üç yaxşı şeyi yadına salan insanların digərlərindən daha xoşbəxt olduğunu sübut edib.Sizi xoşbəxt edən şeylərin çox da mühüm şeylər olması vacib deyil. Həyat yoldaşınızın sevdiyiniz şirniyyatı xatırlayıb alması belə şükür etməyiniz üçün yetərlidir.
3.Təzə şeyləri sınayın.
Araşdırmalar göstərir ki,yeniliklər edən, yeni təcrübələr yaşayan və rutin həyatdan çıxmağı bacaran insanlar daha xoşbəxt olurlar. Yeni şeylər sınamaq beyin dalğalarını oyandırır.
4.Hədəflər müəyyən edin.
Psixoloq Conatan Fridman qarşısına qısa, yaxud uzun müddətli hədəf qoyanların, digərlərinə nisbətdə daha xoşbəxt olduqlarını iddia edir. Viskonsin Universitetindən Riçard Davidson isə deyir ki, hansısa məqsəd naminə çalışmaq insanda müsbət emosiyalar oyadır.
5.Bitərəf olun.
“Ultimate Happiness Prescription” adlı kitabın müəllifi Dipak Çopra yazır ki, xoşbəxt olmaq üçün tərəfsiz olmaq lazımdır:“Əgər öz mövqeyinizi müdafiə etməyi dayandırsanız,enerjinizin 99 faizinə qənaət edərsiniz və daha çox xoşbəxt olarsınız”.
6.İnanclı olun.
Aparılan yeni araşdırmalara görə inanclı insanlar olmayanlara nisbətdə həyatlarından daha məmnun və xoşbəxtdirlər. Melburn Universitetindən Brus Headeyin 25 illik araşdırmasının nəticəsində bəlli olub ki,inanclı insanlar karyera narahatlığından uzaqdırlar və ruhən daha stabildirlər.
7.Ən az 6 saat yatın.
İngiltərədə aparılan bir araşdırma göstərir ki, gündə ən az 6 saat 15 dəqiqə davamlı olaraq yatmaq insanın xoşbəxt olmasında böyük əhəmiyyət daşıyır.
8.On yaxşı dostunuz olsun.
Nottinqam Universitetinin araşdırmasına görə ən azı 10 yaxşı dosta sahib olduğunu deyən yetkin insanlar, beşdən az dostu olanlara nisbətdə daha xoşbəxtdirlər. Özünüzü xoşbəxt hiss etmək üçün dost çevrənizi genişləndirməyiniz lazımdır.
9.Tez-tez gülümsəyin.
Gülümsəmək və xoşbəxt insan kimi davranmaq insanda müsbət emosiyalar yaradır.Araşdırmalara görə durduğunuz yerdə heç bir səbəb olmadan gülümsəsəniz əhvalınız düzələcək.
10.Romantik olun.
Münasibətlərin xoşbəxtliyə çox böyük təsiri var. Kornell Universitetində aparılan araşdırmaya görə sevgi münasibəti olan insanlar, olmayanlara nisbətdə daha xoşbəxtdir.
Korrektə etdi:Günel İbadova