Həyatımızın bir parçası olan texnologiya gündən-günə inkişaf etdikcə bizləri də təəccübləndirməyə davam edir. Necə ki 50 il əvvəl insanlara kompyuterlər imkansız və maraqlı, 20 il əvvəl video oyunlar maraqlı gəlirdisə artıq insanlar üçün bunlar adi bir əşyaya çevrilib. İndi isə insanları Virtual reallıq cihazları təəccübləndirir. Bunun nə olduğu haqda çox insanın məlumatı olsa da bundan istifadə etmək hələ bir o qədər də yayılmış hal almayıb.
Bu cihazın ilk protatipi 1968-ci ildə İvan Sutherland yaradılmışdır. İndi olduğu kimi o zamanlar da bundan istifadə geniş yayılmamışdı. Çünki o zamanlar bu cihaz indikindən daha ağır, daha böyük idi. Bu isə insanlarda yaxşı fikirlər oyatmırdı. Eləcə də, həmin illərdə texnologiyanın inkişafının tamam başqa cığırda irəlliləməsi bu sahənin inkişafını dayandırdı. Daha sonralar bu sahəyə maraq bu gün hamımızın bildiyi Oculus Rift kimi Virtual reallıq cihazlarının yaradılmasına gətirib çıxardı. Bu gün oyun, video sadəsində istifadə edilməsinə baxmayaraq bu cihazlardan orduların təlim məşqlərində də istifadə edilir. Bundan başqa tibb elmində müxtəlif fobiya-ların yox edilməsində də istifadə olunur.
Bu cihazlar sayəsində insan real dünyadan təcrid olunmuş halda olduğu video, oynadığı oyunu yaşayır. Bu sahədə ən geniş yayılmış Virtual reallıq kaskları isə Oculus Rift kasklarıdır. Bunlardan əlavə qiymətcə ucuz muxtəlif kasklar da vardır ki, bunlardan da yalnız nəzərdə tutulmuş videolara baxmaq üçün istifadə edə bilərsiniz.