Sən dəyərlisən . . .
Əvvəla mən çox dəyərli və özələm . Birinin məni sevməyi üçün ona çox şey vermək məcburiyyətində deyiləm. Birinin məni sevməsi üçün özümü ona sevdirməyə çalışmayacam.
Sevgi içdən gələn sonsuz bir güc və sevgiylə doludur. Bəm-bərk bağlanmaq bir növ köləlik ,sevgini zəiflədir.Biri sənindirsə onu itirməkdən qorxma . Qorxu , inamsızlıq üstünə qurulan münasibətlər bir gün bitir və tükənir. Gözəl anlar yaşamaq adına normal , adi keçən günlərimi zəhər etməyəcəm. Fikirləşdiyin şeylər,yaşadığın şeylər olur. Həyata açılan bir çox pəncərə var. Sən hansından baxacaqsansa qərar ver.İnsanı ən çox bezdirən şey qərarsızlığın çevrəsində dönüb davamlı fırlanmaq ... Elə ki , bu hissin ağırlığı ilə dəli olmaq ,bu dəli edən düşüncələrdən qəhretmək hansı ki artıq beyin hüceyrələrinin etirazı və halsız qalan bədənin yorğunluğu .
Birini görmək istəyirsən və o insan gəlmirsə , sənə özəl anlar yaratmırsa bu kifayət qədər istəmədiyini göstərir . İnsan istədikcə olmazları oldurar , dağları deşər , möcüzələr ancaq istəyərsənsə sənə tərəf gələr.
Bir fikirləş indiyə kimi iş , sevgi və ətraf ilə olan münasibətlərdə eyni problemləri niyə yaşadın ? Həmişə eyni, bir birinin oxşarı olan insanlar niyə qarşına çıxır . Yaydığın enerji necə idi? Beyin altında hansı hiss səni bu tərz bir birinin eynisi şeylər yaşamağına səbəb oldu ? Səndə əskik ya da çox olan nə idi ? İndi keç və üzləş özünlə . Get keçmişə tərəf nə etdin illər əvvəl ?Atan məsələn; Sevər , dəstəkləyərdimi səni ? Anan necə izlər buraxdı ürəyində ? Dəcəlliklərinin cəzasını hansı əvəzlər ödəyərək keçirdin? Bəlkədə utancaq , qorxaq biri idin bəs niyə deyə soruşdunmu özündən?
Bəlkə də birinin bir sözü , bir hərəkətiylə dəyərsiz hiss etdin özünü. İlk sevgi təcrübənizdə nələr yaşadın ? Sevən , dəyər verən tərəfmi oldun? Harada idi əksiklik ruhunun dərinliklərinə yazılan.
Birilərini sevgi ilə boğdunmu ? Yoxsa boğulan tərəfmi oldun ? Niyə birisi boğar , birisi boğular , heç fikirləşdinmi ?
Bir insanın bütün gözəlliklərini kəşf etmədən , sadəcə əldə etdiyini fikirləşdiyində ondan qaçdınmı ? Yoxsa budur xəyallarımın adamı deyib dəmir atdın limana ? Sənin işin hazır təzə bir yola təzə bir ürəyə girmək üçün növbə başqa birinəmi gəldi ? Dedin .
Yaxşı , dur və sakit ol . Dərin- dərin nəfəs al . Hər şeyin məsulu sən deyilsən . Daha balaca bir uşaqkən biriləri sənin işə yaramaz olduğunu dedi bəlkədə . Kasıblıq , qayğısızlıq ucbatından həmişə arxa plana keçməyin dərdini çəkdin bəlkədə. Ya da bir oğlan uşağısansa anan səni heç öpüb qucaqlamadı heç ondan istədiyin sevgini görmədin. Atan hər dəfə tənqid etdi səni "Bu uşaq adam olmaz " -deyə qışqıraraq üzünə bir şillə vurdu bəlkədə.
Bir qız uşağısansa bəlkə bir gün atan tərk etdi evi . İlk sevginə tərəf qaçdın . Ona əlindəki sevgini uzatdın və o yenə də getdi arxasına baxmadan . Bilməzdin ki, illər sonra yaşadığın hər sevgidə həmişə bu səbəbdən dəyər verib ,o insan səni həmişə buraxib gedəcək qorxusuyla yaşayacaqdın.
Ya da anan ilk oğlan dostundan gələn məktubu üzünə atıb "Mən səni məktəbə oxumağa göndərirəm ,ucuz qız olmağa yox "dedi . Sonra buraxdın özünü , artıq görünüşünündə gözəl olmasına ehtiyac yoxuydu. Özünü yeməyə verdin. Və adalar kimi çəkini tam da o zaman almış oldun .İndi bəlkədə o səbəblə güzgülərlə barışıq deyilsən . Şokolad , tort hər cür xırda-xuruş içindəki boş olan sevgi hislərini , o heç bağlanmayan boşluğu doldurmaq , özünü xoşbəxt etmək üçün idi .
İndi silkələn və özünə gəl . Həyat sənə təzə bir fürsət verir. Üzünün gülməyinə icazə ver . Keçmişdəki yaraları sevginlə bağla . Təbiətin şəfa dolu əllərindən,yaradandan kömək istə . Özünü hər halınla sev. Dəyər ver. Gül , şanslısan çünki fərqindəsən artıq həyatın .
TƏRCÜMƏ ETDİ:KAMİLLA BAYRAMLI